Tuesday, February 5, 2019
امام موسي ڪاظم ع ۽ هارون رشيد
فدڪ واپس ڪرڻ جو قصو
هڪ ڏينهن هارون
رشيد امام موسي ڪاظم عليه السلام کي چيو؛
مان توهان کي فدڪ ڏيڻ چاهيان ٿو توهان اها واپس وٺو.
امام ع هن جي ڳالھ کي ٽالي ڇڏيو، ان جو اصرار ۽ وڌيڪ ٿيو،
جڏهن اصرار تمام گهڻو ٿي ويو ته پوءِ امام
ع فرمايو مان تو کي ان جي تمام حدود اربعه (چارئي
سرحدون ) سان ئي وٺي سگهان ٿو.
هارون : ان جي حدود اربعه ڪهڙيون آهن ؟
امام ع فرمايو: جيڪڏهن ان جون حدون بيان ڪندس ته تون واپس
نه ڪندين،
امام ع فرمايو : ان جي پهرين حد عدن (يمن جو حصو) آهي.
هي ٻڌندي ئي هارون جي چهري جو رنگ بدلجي ويو ۽ چيائين ڇا ؟
امام ع : ٻئين حد سمرقند آهي.
هي ٻڌندي ئي هارون پنهنجي جاءِ کان مٿي اٿي بيهي رهيو.
امام ع فرمايو: ٽئين حد آفريقا آهي.
هاڻي هارون جو منهن جو رنگ ڳاڙهو ٿي ويو.
امام ع : چوٿين حد جزائر کان ملڪ روم تائين سمنڊ جا ڪنارا
آهن.
هارون چيو: ان طرح ته مون وٽ ڪجھ به باقي نه رهندو، پوءِ
اچو ۽ توهان اسان جي جاءِ تي ويهو.
امام ع فرمايو: مون توهان کي چيو هيو ته جيڪڏهن مان توکي ان
جون حدون بيان ڪندس ته تون مونکي هرگز نه ڏيندين.
امام ع هن کي ٻڌائڻ پيا چاهين ته تون حڪومت ۽ خلافت جو اهل
نه آهين ۽ تون حڪم الهي جي نفاذ جو به اهل نه آهين، بلڪه تو فريب ڏيئي ڪري طاقت جي
بل بوتي ته حڪومت تي قبضو ڪيو آهي.
هي تحرير ونڊيو
سبسڪرائب ڪريو
منهنجو بلاگ (RSS)
.jpg)
.jpg)
0 تبصرا: