امام موسي ڪاظم عليه السلام جي پيشن گوئي

Tuesday, February 5, 2019

امام موسي ڪاظم عليه السلام جي پيشن گوئي

امام ڪاظم ع جو قيد خاني ۾

ابو خالد زبالي نقل ڪن ٿا : امام موسي ڪاظم عليه السلام کي وقت جي خليفه مهدي عباسي جا سپاهي قيد خاني جي طرف وٺي وڃي رهيا هئا ۽ منزل زباله وٽ گهوڙي کان لٿا ۽ مان امام ع جي ڪري تمام گهڻو خوف زده هيس. ابو خالد چوي ٿو: امام ضروري شين جي بندوبست جو حڪم ڏنو ۽ منهنجي طرف نظر ڪئي جڏهن ته مان رنجيده هيس.

امام ع فرمايو : ابا خالد ڇا جي ڪري پريشان آهين.

عرض ڪيم توهان ان طاغوت جي طرف وڃي رهيا آهيو جنهن جي شر کان مطمعن نه آهيان.

فرمايو: ڊڄ نه فلاڻي ڏينهن تي منهنجو انتظار ڪجان.

راوي چيو ٿو : مان ان ڏينهن ڳڻڻ شروع ڪيم ايستائين جو اهو ڏينهن اچي ويو، جلدي ۾ انهي ٻڌايل جڳھ تي ويس پر اتي مون ڪنهن کي به نه ڏٺو ايسيتائين جو سج لهڻ جو وقت اچي ويو مان شڪ ۾ پئجي ويس اچانڪ مون هڪ شخص کي پري کان ايندي نظر آيو، جڏهن قريب آيو ته مان ڏٺو ته هو ته منهنجو امام ڪاظم ع آهن.

امام ع جيئن ئي مونکي ڏٺو مونکي فرمايو : شڪ نه ڪر، پوءِ فرمايو : هڪ مرتبو وري هي مونکي وٺي ويندا ان وقت منهنجي رهائي نه ٿيندي.

راوي جو بيان آهي ته امام جيڪا پيشن گوئي ڪئي اها سچي ثابت ٿي.