اهلبيت جا فضائل

Wednesday, January 17, 2018

اهلبيت جا فضائل

حضرت اميرالمومنين عليه السلام جن فرمايو ته:

الله تعاليٰ اسان اهلبيت عليهم السلام سان هر شي جو آغاز ڪيو ۽ اسان تي ئي انتها ۽ اختتام ڪندو اسان ماڻهن تي اطاعت ۽ ولايت جو حق رکون ٿا، ۽ انهن جي لاءِ اڄ دنيا ۾ اسان گواهه آهيون انهن جي اعمال ۽ افڪار کان آگاهه آهيون اسان اهلبيت عصمت عليهم السلام، نبوت جي درخت ۽

رسالت جي منزل ۽ ملائڪن جي رفت و آمد جا مرڪز آهيون ۽ علم جا خزانه ۽ حڪمتن جا چشمه آهيون، اسان جا ناصر ۽ محب منتظر رحمت آهن ۽ اسان جا دشمن سختي ۽ عذاب جا منتظر آهن .

بس ماڻهن مان سڀ کان وڌيڪ خوش نصيب اهو شخص آهي جيڪو اسان ” اهلبيت عليهم السلام“ جي فضيلت و عظمت کي سڃاڻي ۽ اسان جي ئي وسيلي سان الله تعاليٰ جو تقرب اختيار ڪري ۽ اسان جي محبت خالص رکي ۽ جن شين جي اسان دعوت ڏني آهي ان تي عمل ڪري ۽ جن شين کان اسان منع ڪيو آهي ان کان اجتناب ڪري بس اهڙو شخص اسان مان آهي ۽ اهو آخرت ( يعني جنت ) ۾ اسان سان گڏ هوندو

” ڪتاب روح هستي صفه 39 44 “