نماز ۽ جناب سيد فاطمه زهرا س

Monday, February 4, 2019

نماز ۽ جناب سيد فاطمه زهرا س

حضرت امير المومينن عليه السلام جن فرمائين ٿا ته هڪ دفعي جناب سيدة س جي طبيعت نا ساز هئي پاڻ سڄي رات تمام گهڻي بيچينيءَ سان گذاريائين صبح جي قريب ڪجهه اک لڳي ويئس، اذان جي وقت ڏٺم ته فاطمه س اٿي آهي ۽ وضو ڪري رهي آهي مون نرمي سان کيس چيو فاطمه س توکي پاڻ تي به رحم ڪونه ٿو اچي، سڄي رات بخار رهيو اٿئي صبح ٿڌي پاڻي سان وضو ڪيو اٿئي ۽ هاڻي وري چڪي هلائي رهي آهين.؟

سيدة طاهره سلام الله عليها ڪنڌ جهڪائي چيو ”اي ابو الحسن عليه السلام ! جيڪڏهن مان فرض جي ادائگي ۾ مري به وڃان ته حد کان وڌيڪ خوش ٿيندس ۽ مون کي عبدي مسرت حاصل ٿيندي. مون وضو ڪيو خدا جي عبادت ڪرڻ لاءِ ۽ چڪي هلائي توهان جي اطاعت ۽ ٻارن جي خدمت لاءِ هاڻي توهان ئي ٻڌايو ته انهن ٻنهي فريضن کان وڌيڪ ٻيو ڪهڙو فريضو ٿي سگهي ٿو.

”ڪتاب سيدة النساءِ العالمين بنت رحمة اللعالمين صفا 370“