قرآن تي عمل ڪندڙ لاء انعام

Monday, January 15, 2018

قرآن تي عمل ڪندڙ لاء انعام

حضرت سرڪار دو عالم محمد مصطفيٰ ﷺ احمد مجتبيٰ صلي الله عليه وآله وسلم جن قرآن ڪريم جي اهميت ۽ فضيلت کي بيان ڪندين ارشاد فرمائن ٿا ته:

قرآن مجيد گمراهي جي لاءِ هڪ رهنما ۽ نابيني جي لاءِ بينائي ۽ نجات بخش آهي.

خطائن کي بخشڻ جو سبب ۽ هر اندهيري جي لاءِ نور ۽ روشني آهي.

حوادث ۾ نجات ڏيارڻ وارو آهي، هر هلاڪت کان بچائڻ وارو ۽ هر گمراهي ۾ رهنمائي ڪرڻ وارو آهي.

هر فتني ۽ انحراف کي بيان ڪرڻ وارو ۽ انسان کي دنيا کان ( پستي کان سعادت ) آخرت جي طرف وٺي وڃڻ وارو آهي، ۽ ان ۾ توهان جي دين جو ڪمال آهي. ۽ قرآن مجيد کان ڪوبه شخص منهن ناهي موڙيندو سواءِ ان جي جنهن پنهنجو رُخ جهنم جي طرف ڪيو هجي.

جيڪو به پنهنجي دين کي خدا جي ڪتاب ۽ پيغمبر صلي الله عليه وآله وسلم جي سنت سان حاصل ڪندو آهي اهو پهاڙن کان وڌيڪ مستحڪم، ۽ جيڪو پنهنجي دين کي ماڻهن جي زبانن سان حاصل ڪندو آهي، اهي ئي ماڻهو ان کي دين کان منحرف ڪري ڇڏيندا .

وڌيڪ فرمايا ئون مان پهريون شخص آهيان جيڪو قيامت جي ڏينهن خداءِ جبار جي حضور قرآن مجيد ۽ پنهنجي اهلبيت ع سان گڏ حاضر ٿيندس.

ان کانپوءِ منهنجي امت حاضر ٿيندي ان کانپوءِ مان پڇندس توهان ماڻهن خدا جي ڪتاب ۽ منهنجي اهلبيت عليهم السلام سان ڪهڙو سلوڪ ڪيو ؟

ڪتاب: پيغمبر اسلام جون نصيحتون جناب ابوذر عه کي جلد 2 صفه 256